Share this information:

NIYANIG ng magnitude 4.9 na lindol ang bayan ng Mamburao, Occidental Mindoro na naramdaman sa ilang bahagi ng lalawigan gayundin sa Batangas at Quezon City.

Ayon sa PHIVOLCS, dakong alas-12:43 ng madaling araw nang maitala ang pagyanig na may lalim na 25-kilometro at tectonic ang pinagmulan.

Naitala ang Intensity 4 sa Mamburao, Abra de Ilog, at Paluan, sa Occidental Mindoro; at sa Puerto Galera sa Oriental Mindoro.

Naramdaman din ang Intensity III sa Mabini, Malvar, at Tingloy, Batangas habang Intensity II sa Bauan, Batangas; Tagaytay City; at Quezon City samantalang Intensity I ang naitala sa Talisay, Batangas.

Hindi na inaasahan na magdudulot ng pinsala ang nasabing lindol bagamat nakapagtala na ng ilang aftershocks.


Mamburao, Occidental Mindoro, niyanig ng magnitude 4.9 na lindol
Source: Bullet News Viral